Ayeuna urang rék nyobaan nyarita maké basa sunda. Kusabab nulisna bari rada ambek, wayahna basa nu digunakeun rada paciweuh. Kadang lemes, kadang loma, kadang kasar. Nya kusabab kitu, dihandap ieu aya disclaimer. Nu teu apal naon éta disclaimer bisa ningal dina wikipedia.
[dt_quote type="pullquote" layout="right" font_size="big" animation="none" size="1"]Sagala rupi anu diserat dina seratan ieu, teu ngamaksudkeun kana salah sahiji jalmi. Tapi ka loba jalmi. Saha waé anu ngarasa kasindir tina seratan ieu, ulah épés méér, da lain ka manéh hungkul. Jeung sagala rupa kajadian kusabab ieu seratan, sanés tanggung jawab nu nyerat. [/dt_quote]
Sok deer urang kawitan.
Urang nulis nurutan batur nu loba dina medsos. Nurutan téh lain nurutan eusina. Tapi nurutan maksud dina nulis tulisanana. Nyaéta:
[dt_list style="1" bullet_position="middle" dividers="false"]
[dt_list_item image=""]Ngoméntaran urusan batur,[/dt_list_item]
[dt_list_item image=""]Nadadak jadi ahli sagala,[/dt_list_item]
[dt_list_item image=""]Kukuh pengkuh kana naon anu dipikaresep,[/dt_list_item]
[dt_list_item image=""]Teu paduli haté batur nyeri atawa henteu.[/dt_list_item]
[/dt_list]
Jadi hampura sateuacanana lamun dina ieu seratan:
[dt_list style="1" bullet_position="middle" dividers="false"]
[dt_list_item image=""]Loba ngoméntar,[/dt_list_item]
[dt_list_item image=""]Ahli sagala bidang,[/dt_list_item]
[dt_list_item image=""]Asa pang benerna,[/dt_list_item]
[dt_list_item image=""]Saeutik loba bakalan nganyenyeri.[/dt_list_item]
[/dt_list]
Basa Sunda Kahiji, Lamun Belegug téh Mikir Heula!
Nempo loba anu padu share warta sok hayang ngabalédog maké hapé manehanana. Saleuheung lamun nyebarna nu mangpaat siga motipasi, muhasabah, tips (nu mangpaat, loba oge nu nyebar tips bohong). Sok mikir kadang aya nu nyebar nu teu mangpaat-mangpaat acan! Kalah matak rarusuh nu maca, lolobana warta bohong, jeung nu teu jelas timana eta warta jeung saha nu nulisna.Conto nu anyar nu bodona kacida bina éta artikel anu ngabahas artina Pokémon disambung-sambungkeun jeung Yahudi.
Terus kamari, dina mangsa Aa Gym (K.H. Abdullah Gymnastiar) nuju teu damang. Aya nu wantun nyebarkeun dina grup WA yén Aa Gym pupus! Ku urang téangan dina Google, euweuh sahiji acan warta nu nyebat Aa Gym pupus. Pan gelo teu?
Keur usum begal, nyebarkeun yén bakal aya aksi begal ngadatangan imah-imah! Keur usum tsunami, nyebarkeun bakal aya tsunami di tempat manehanana. Hayuh wé terus kumaha manehna dibobodo karep.
Cik atuh nu pernah nyebarkeun warta nu matak bodo jawab yeuh patarosan!
- Éta manéh sateuacan nyebarkeun, maca heula teu eusina?
- Lamun maca, ngarti teu eusina?
- Lamun ngarti, néangan teu yén éta warta bener henteu?
- Lamun néangan, aya teu warta séjen nu nulis sarua?
- Lamun aya, tempo saha nu nulis, ti portal warta anu dipercaya atawa henteu?
Basa Sunda Kadua, Nganyenyeri maneh!
Urang keur leutik boga coco’oan. Terus babaturan boga nu sarua. Terus urang téh paalus-alus coco’oan jeung babaturan. Nepi ka paomong-omong jeung nepi ka paséa lamun teu eureun mah. Keur leutik mah kitu.Tah ieu nu geus baradag sok sakapeung loba nu kieu. Nu kieu téh naon? Gelut?
Lain sauukur gelut! Tapi nyieun batur gelut!
Nyambung tina bahasan kahiji. Sok nempo di medsos nu nyebar-nyebarkeun “adu domba”? Conto: Kartini vs Dewi Sartika, Rio vs Musa, Capres 1 vs Capres 2, Nenek Saeni vs Pol PP. Loba pan? Tah lamun geus kitu terus kumaha? Lanjutna rék naon?
Nu pipilueun boga haté teu? Isu-isu sensitip nu siga kieu teh, matak batur nu maca babari panas. Lamun geus panas paadu omong, geus paadu omong make haté nu panas mah sok rék nepi ka kiamat kubro gé duanana ngarasa pangbenerna.
Ari maranéh téh hirup di jaman digital. Tapi kalakuan siga di nu hirup di abad 16. Babari pisan di-“adu domba” ku kompeni. Malikir teu, yén maraneh teh ngan ngabebeak waktu keur nyeyeri batur hungkul! Maneh nyeri, batur nyeri. Panyeri-nyeri.
Lamun manéh teu ngarasakeun “adu domba” jaman kompeni? Tah rasakeun “adu domba” jaman ayeuna. Bedana, jaman baheula mah aya kawani paténjo-ténjo beungeut. Ari ayeuna geus patepung mah siga kuya asup kana batok! Leuwih dusun pan ti jaman bareto!?
Basa Sunda Katilu, Dusun!
Lamun manéh lain apparat, tapi sok papaduan masang lampu strobo dina mobil atawa motor? Tah ieu jang manéh! Dusun!Lamun manéh sok gogoblogan ngagas motor nerobos keur lampu beureum? Tah ieu jang manéh! Dusun!
Lamun manéh kana motor atawa mobil tapi sok ngalawan arus. Tah ieu jang manéh! Dusun!
Lamun manéh kana motor sok naék ka luhureun trotoar? Tah ieu jang manéh! Dusun!
Lamun maneh teu bisa numpak motor atawa mobil? Teu ngarti rambu? Teu ngahargaan batur, cicing di imah! Dusun!
Geus heula. Nyeri hate? Wayahna, baca deui ka luhur!